I ddathlu Wythnos y Llyfr Academaidd rydym wedi gostwng pris ein teitlau 2016 i gyd 20% – defnyddiwch y c\u00f4d ABW17 ar ein gwefan nes diwedd Ionawr.<\/p>\n
Roedd rhestr llynedd yn un amrywiol eto, yn cynnwys llyfrau ar ystod o bynciau academaidd a phoblogaidd. Dyma ddetholiad bach, gyda llawer mwy ar gael ar draws y wefan:<\/p>\n
Credoau’r Cymry: Ymddiddanion Dychmygol ac Adlewyrchiadau Athronyddol Creithiau: Dylanwad y Rhyfel Mawr ar Gymdeithas a Diwylliant yng Nghymru<\/a>
\n<\/a><\/strong>Gan Huw L. Williams
\n<\/em>Trwy driniaeth wreiddiol a gafaelgar o rai o ffigyrau adnabyddus Cymru, mae Huw L. Williams yn amlygu nifer o\u2019n credoau fel cenedl, sydd wedi profi\u2019n ddylanwadol yng Nghymru a thu hwnt. Cyflwynir trafodaethau gwleidyddol, moesol a diwinyddol trwy ffurf ymddiddanion dychmygol, gyda sylwebaeth athronyddol ar elfennau canolog yr athrawiaethau hynny. Ymysg y sawl sy\u2019n amlwg yn y gyfrol y mae Glyn Dwr, Robert Owen, Lady Llanover a Henry Richard, gyda\u2019u syniadau pwysicaf wedi\u2019u cyflwyno ar ffurf ymgom difyr sy\u2019n cynnig cyflwyniad hygyrch i\u2019r darllenydd. Yn dilyn pob ymgom, daw dadansoddiad o\u2019r syniadau hynny i roi cyfrif trwyadl o ambell gysyniad a gosod cwestiynau gerbron ynglyn \u00e2 grym a dilysrwydd y gwahanol gredoau. Pwysleisir yn arbennig y cysylltiadau anwahanadwy gyda thueddiadau deallusol ehangach Ewrop a\u2019r modd y mae syniadaeth yng Nghymru wedi dylanwadu, ac wedi\u2019i ddylanwadu gan, y cyd-destun ehangach. Ymhlyg yn y driniaeth yma o syniadaeth Gymreig ceir ymgais i amlygu sut y mae ystyriaethau athronyddol ynghlwm yn ein bywyd cyfunol, yn ogystal ag awgrym bod yna hanes syniadau neilltuol yn perthyn i Gymru. Dyma roi sylw priodol felly i sylwedd athronyddol y traddodiad deallusol hwnnw, a chynnig dathliad o\u2019n credoau fel cenedl.<\/p>\n
\n<\/strong>Gan Gethin Matthews
\n<\/em>Er gwaethaf pwysigrwydd canolog y Rhyfel Mawr yn hanes modern Cymru, prin iawn yw\u2019r gweithiau academaidd sy\u2019n olrhain dylanwad maleisus a phellgyrhaeddol y rhyfel ar ddiwylliant a chymdeithas yng Nghymru. Amcan y gyfrol hon yw dechrau ar y gwaith o unioni\u2019r cam mewn gwaith sy\u2019n cynnwys cyfraniadau gan nifer o ysgolheigion disglair i\u2019n cynorthwyo i ddeall yn well sut newidiodd y byd Cymreig am byth yn sgil digwyddiadau 1914\u201318, gan olrhain datblygiadau yng nghymdeithas a diwylliant Cymru o\u2019r cyfnod cyn y rhyfel hyd at y presennol.<\/p>\n
\nCyfoethogi’r Cyfathrebu: Llawlyfr ymarferol i diwtoriaid Cymraeg i Oedolion<\/a>
\n<\/strong>Golygwyd gan Christine Jones, Steve Morris
\n<\/em>Diweddariad o\u2019r gyfrol Cyflwyno\u2019r Gymraeg: Llawlyfr i Diwtoriaid (2000) dan olygyddiaeth Christine Jones yw Cyfoethogi\u2019r Cyfathrebu: Llawlyfr Ymarferol i Diwtoriaid Cymraeg i Oedolion. Mae\u2019r gyfrol hon yn cynnwys rhai o benodau\u2019r gyfrol wreiddiol wedi\u2019u diweddaru, ynghyd \u00e2 phenodau newydd ar feysydd sydd wedi dod yn fwy amlwg yn y maes ers 2000 (er enghraifft, dysgu anffurfiol, addysgu ar-lein, y fframwaith asesu newydd a chyfraniad y maes i bolis\u00efau iaith cenedlaethol). Ceir penodau ar y wers gyntaf, gweithgareddau cyfathrebol, meithrin sgiliau gwahanol megis sgiliau ysgrifennu neu sgiliau gwylio, a phennod agoriadol ar ddulliau dysgu ar dwf y maes a\u2019r syniadau a ddylanwadodd ar fethodoleg dros yr ugeinfed ganrif a\u2019r ganrif hon.<\/p>\n
\nNid Sianel Gyffredin Mohoni! Hanes Sefydlu S4C<\/a>
\n<\/strong>Gan Elain Price
\n<\/em>Dyma\u2019r astudiaeth gyntaf ar hanes blynyddoedd cynnar un o sefydliadau diwylliannol pwysicaf Cymru \u2013 Sianel Pedwar Cymru \u2013 sy\u2019n cloriannu penderfyniadau a gweithgareddau\u2019r sianel yn ystod blynyddoedd ei chyfnod prawf rhwng 1981 a 1985. Trwy gyfrwng astudiaeth o gofnodion, gohebiaeth a chyfweliadau gydag unigolion fu\u2019n allweddol i fenter gyffrous S4C, eir ati i ddarlunio\u2019r sialensiau, y llwyddiannau a\u2019r methiannau fu\u2019n wynebu Awdurdod a swyddogion S4C wrth iddynt fynd ati i lunio gwasanaeth teledu Cymraeg fyddai\u2019n ateb gofynion ac anghenion y gynulleidfa yng Nghymru. Ceir yn y gyfrol hefyd ddadansoddiad o\u2019r gwersi y gall hanes y sianel ei gynnig i\u2019w swyddogion cyfredol wrth iddynt fynd ati i\u2019w gosod ar seiliau cadarn ar gyfer dyfodol sy\u2019n ymddangos yn gynyddol ansicr.<\/p>\n
\nWilliams Pantycelyn<\/a>
\n<\/strong>Gan Saunders Lewis,\u00a0<\/em>Gyda rhagymadrodd newydd gan D. Densil Morgan
\n<\/em>Un o gyfrolau mwyaf dadleuol yr ugeinfed ganrif yw Williams Pantycelyn gan Saunders Lewis, ac ymhlith yr astudiaethau beirniadol mwyaf cynhyrfus i ymddangos erioed yn y Gymraeg. Cynigiodd y gyfrol ffordd newydd i ddehongli athrylith yr emynydd o Bantycelyn, a thrwy hynny sefydlu enw Saunders Lewis fel beirniad mwyaf beiddgar a chreadigol ei genhedlaeth. Er mwyn nodi trichanmlwyddiant geni\u2019r emynydd yn 2017, mae Gwasg Prifysgol Cymru yn ailgyhoeddi\u2019r gyfrol; mewn rhagymadrodd helaeth i\u2019r cyhoeddiad newydd, mae D. Densil Morgan yn dadansoddi cynnwys y gwaith, ei dafoli\u2019n feirniadol ac yn olrhain ei ddylanwad ar y meddwl Cymreig o\u2019i gyhoeddi yn 1927 hyd heddiw. Mae\u2019n ddathliad deublyg o greadigrwydd Saunders Lewis ac o gyfraniad aruthrol y P\u00ear Ganiedydd i waddol y diwylliant cenedlaethol.<\/p>\n